Kalan Kunum 11:26-29

²⁶Uneko, elo atemse ding dim bakate, e elo Antiok abiw mutuk fian kalo debele talse kale. Keko beli, aso i itol makmak ding ka kel bomeliwi, Antiok abiw mutuk fian kasel ilo Sunbin-Got em Weng Kal Ken Ati be kukuyembisiliw kale. Kaem ding dim bakate, emisik ding e, mali kawtiw i Yesus em angin ilo kikis wiin “Kilisten” yangsiliw kale.

²⁷Bakalem ding dim bakate, mali Sunbin-Got em bontem dim bakamin kunum i Selusalem abiw mutuk fian koleweko, Antiok abiw mutuk fian elo talsiliw kale.

²⁸Kunum biim kunum mak em wiin e Agabus ete kale. E moko, Sunbin-Finik em weng mak bokoyemomele: “Sowem ding kabalak e, aneng aneng alik alik angom kale olfut fian mak keloke te.”, angse kale. Angei, Ulom em emisik kamok fian Klodius em kamok kese ding dim kabalak e, em yangse weng be fein dem so kelei, olfut be kese kale.

²⁹Keko beli, Antiok abiw mutuk fian ka kel alenaliw Yesus em gelewkabiliw kunum waneng i weng kitokoko, bokolomeliw: “Nu Sudia aneng fian ka biliw nakunum kusel ilo dokoyemoluwka!”, angeko, bokolew bokolew kesomi, ikalem beem ki dabalayemomin eisneng eisneng mak dukuyemsiliw kale.