Text copied!
CopyCompare
GALA Sɛʋɛi - Kɛɛwotiiti - Kɛɛwotiiti 15

Kɛɛwotiiti 15:32-40

Help us?
Click on verse(s) to share them!
32Tɛi Zude ta Silase ti ɠɛni ga GALA goo wo nuiti, ti lɛbini ɓɔɛzu kidaaleʋe nuiti pɔ, ti ɗa naati tɛnɛ, ta ti ɗa ti iɲɔdɔ.
33Ti ku ɠɛɛni ná fele, naa ʋoluma ɠɛɛɠɛlointi ti yeeɓeni ti ʋa ga ziilɛigi, ti ɠale ma naama nuiti pɔ, niiti ti valini ti ma.
34Anɛɛ naa ʋe, é nɛɛni Silase ʋɛ ga é yɛ ná.
35Pɔle ta Ɓalanaɓase ti yɛni Antiyɔse, naa ʋɛɛ nu mɔinmɔin ba, ti kalagi wo, ta ti ɗa Maliɠii ná-Woo Niinɛ Ʋagɔi laazeeli.
36Ku ɠɛɛni fele, naa ʋoluma Pɔle ɠɛni Ɓalanaɓase ma: «De ɠale ma ʋogi zu, de li de kidaaleʋe nuiti ka, ʋɛ pɛ de leʋega ná, de Maliɠi laawooi laazeeli, de ka mini ɠɛɠala ɠa ti ná kidaaleʋei zu.»
37Ɓalanaɓase ɠɛni pɔ, é Zan ʋilɛ ti ʋolu, nii daasei pɛai ga Maleke,
38kɛlɛ Pɔle kaani ga é la vizɔni ga ti ʋa naa ʋilɛ ʋolu, nii é zeɠeni ti ʋolu siɛ mɔungi zu Panfili zɔli, é la ɠɛɛni ti ʋa ta-wotii zu.
39Naama maaɠaalii ɓaani ti yɔɠɔzu, eyɛsu ti bali ma. Ɓalanaɓase Maleke zeɠeni, ti lɛ ɓatoi zu, ti li Sipele.
40Pɔle ma ge yiimazeɠe ga Silase, kidaaleʋe nuiti ti ti ɠalivaani Maliɠii ná-zaalai ma, ti ɗa li.

Read Kɛɛwotiiti 15Kɛɛwotiiti 15
Compare Kɛɛwotiiti 15:32-40Kɛɛwotiiti 15:32-40