Juan 9:33-39

³³Nato joni Diossenbi raanama ixonra, jawe neskarabi ayamakeanke —akin jato aká iki.

³⁴Jatian yoikana iki: —¿Mia, ja kikinbires ochayabi pikota joninki akai, noa axeakaskin? —akin. Jaskáaxon, ja tsinkiti xobonkonia, ja joni pikokana iki.

³⁵Jainxon Jesussen ninkata iki, jan benche benxoaa joni, moa pikokana, jainxon jabetan nokoananxon yokata iki: —¿Minki akai ikonhakin ja jonin Bake? —akin.

³⁶Jatian jan yokata iki: —Ibó, ea yoiwe tsoarin já, en ikonhanon —akin.

³⁷Jatian Jesussen yoia iki: —Moara min oinke, Ea riki ja mibé yoyo ikai —akin.

³⁸Jesussen jaskáa, ja bebon chirankootaanan jonin yoia iki: —Enra mia ikonhaai, lbó —akin.

³⁹Jatian Jesussen yoia iki: —Eara nato neten joá iki, atibi keskáakin jawékibo akí, ja benchebaon oinkanon ikax, jatian ja oinnabobiribi benchebo banekanon ikax —akin.