Jon 9:33-39

³³Apan me God gumbe den ompa ipawa, me divi da den apa.”

³⁴Mu gara waya, “Ge kukaeba kokavitwa gumbe di yaiyana, aninin gare nu toyau nuntan oya ege.” Meve mu me atataiya dauwag aine.

³⁵Iesu anone mu me atataiya. Sira me apan me yaug wane, “Ge Apan Usiwa gumbe anotumat ege?”

³⁶Apan me gara wane, “Kokawa, me bira? Ne didnega, ne imunap me gumbe anotumat atna.”

³⁷Iesu me gumbe wane, “Ge gare apan me yawana. Ge gaibu gae vegewa me me.”

³⁸Me wane, “Ayapan, ne anotumat eni.” Sira me gumbe waiyane.

³⁹Meve Iesu wane, “Ne keptete oya piyu mame uwana. Yangaboredmusiawa yaupe, sira yangowa oraiwa igiyawa mu yangowa borettan oya.”