14Jesús mkab ne nzhab: ―Wli kuu mnin tegal leeka na mniy. Tak nen pa mroon ne pa ndyan, per lee re goo neeka net goo pa mroon ne neeka net goo pa ndyan.
15Lee re goo naab goo kwent lo re men taxal ntsow re mene, per lee na naabt kwent lo neeka thib men,
16per os leen naabʼn kwent lo re men, nali nak kuu tsowʼn, tak nagt thita na kuu tsowe, sinke noga Xutʼn kuu mtaalʼn naab kwent kon na.
17Ne leeka lo ley chaan goo mbez: Os lee chop testig mbez thibka kwaa, wli kuu ni rop zha.
18Leeka na nak thib testig da, ne lee Xutʼn kuu mtaalʼn nak tedib testig.
Juan 8
Juan 8:14-18