Juan 7:41-48

⁴¹betsabundi yuikin: —Mesías Cristodan, jaki— akaya betsabundi yuikin: —Jamaki. Galilea anua Diosun Mesías Cristo taxniama ixanai nuku yusinmisbuki.

⁴²Janua taxnikidanxanaidan, “Davidin mae Belén anua Davidin babadan, Cristo Mesías ixanikiki”, akin nuku kenexuniki. Jaskakenan Jesúsdan, Diosun Mesíasmaki— akaibun

⁴³Jesúsun jatun jancha ninkatan jawen taea Jesúskidi shinan betsa betsapawaibuwen taexun

⁴⁴jatiditun achibain bichibupananbun tsuan jawa meabumaken

⁴⁵janu fariseobu inun Diosbe nukunabu janchaxunika xanen ibubu ichaxun Jesús anu jatu yunua Templo mekenikabu jabun Jesús iweama mais beaibun xanen ibubu betsan jatu yukakin: —¿Jaskakin Jesús achi biai kaxun man iweama ixumen?— jatu wa

⁴⁶mekenika betsan yuikin: —Jaska ja juni janchai peaya juni betsadi janchakin nematidumaki, chakabu jatu yuiamawen taexunan— jatu wa

⁴⁷januxun fariseobun jatu yuikin:

⁴⁸—Jabi man unainsmapabenibin, matudi padainkikidan! Nuku nun xanen ibubu inun nun fariseobunan, nun jawa ikunwanmaki.