Juan 5:24-29

²⁴“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

²⁵Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

²⁶So Amay ko Timanem se eglekatan te kaling pedowan wedad temanan, ininang a din heman eglekatan te kaling pedowan wedad temanan.

²⁷So siak se Timanem Migpekeotaw, binegayan a din heman te peg-okom te otaw.

²⁸Ikà niyo egkepela te kagi ko seini, so doen aldaw domateng aw domineg se kedita te otaw nematay te tawal ko kandan.

²⁹Penga niyan, meantay dan lekat te nematay. Se otaw tapay mig-inang te mèpiya, yan se entayen amon eked dan palos todà kematay. Meneng se otaw tapay mig-inang te medaet, yan se otaw entayen amon ipelumun dan.”