Juan 5:13-19

¹³Meneng wedà ketegahi te otaw negolian aw sinu se ngadan te migpegolì kandin, so dimeleg den si Jesus, aw medita se otaw netipon kidoen.

¹⁴Penga niyan te wedà kenamay, nengemahà si Jesus kandin kidoen te dakel simbahan te Judiyo. Pegkità din kandin, minikagi si Jesus, “Na, negolian ka den. Lengà ka den te peg-inang no te salà amon eked ka detengi te labi pa medaet.”

¹⁵Penga niyan, nesayo se otaw negolian, aw mig-indan diyà te menge obanen te Judiyo te si Jesus se migpegolì kandin.

¹⁶Yan se doun te pinemilang dan si Jesus, so neopal dan te pegpegolì din te otaw aldaw te Sebado.

¹⁷Meneng doen intaba i Jesus kandan, so minikagi sikandin, “Gayed egterbaho se Amay ko pengkey aldaw seini, aw yan se doun te gayed a heman egterbaho.”

¹⁸Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

¹⁹Minikagi si Jesus diyà te menge obanen te Judiyo, “Eneng-enengi niyo se kagi ko kenyo. So Batà a te Timanem, wedad palos inangen ko lowà te ibeg te Amay ko. Olò ko inangen se tapay kinità ko eg-inangen te Amay ko. Se inangen din, yan heman se inangen ko,