Juan 5:12-16

¹²Judíos que ñee ee ra. —¿Aba aque re? ¿Aba “ndequisa erao”, ɨ ndeje re? ɨ que ra.

¹³—Aɨcua eãte se. Aba chõ sembucherõ. Mbia tubɨrɨãte quiatu ngue re, ɨ que erasi judíos je ra. Jesús oso rei.

¹⁴Emo mose que Jesús ngasembe uchɨmbucherõ je ra. Dios chuchúaa. Ñee ngue ee ra. —¡Sã jẽ! Arembucherõ ngue se resẽ. ¡Mbae ɨcuã nda eresaã sɨchɨ̃ jẽ! Mbae mo nda jeɨ̃ tuchɨ ndeje cote, ɨ que Jesús ee ra.

¹⁵Ameɨ ngue oso judíos mbiirandu cote ra. —Jesús chõ sembucherõ nguia reaẽ, ɨ que judíos je ra.

¹⁶Nyebe judíos paama ɨ nguiã Jesús je. Nandeɨquia, ɨ. Sábado mose quia Jesús riqui nguiã mbia mbucherõ cherõ judíos je. Judíos uquenea ucua mose. Nyebe judíos paama ɨ nguiã ee.