John 5:12-16

¹²Den de Jew leada dem aks um say, “Wa man tell ya fa do dat?”

¹³De man wa Jedus been mek well ain know who dat been, cause dey been a heapa people dey, an Jedus done slip way.

¹⁴Jedus find dat man eenside God House. E tell um say, “Look yah, ya well now. Mus dohn sin no mo, or sompin mo wossa gwine happen ta ya.”

¹⁵Den de man lef Jedus an gone fa tell de Jew leada dem say, dat man wa mek um well, e name Jedus.

¹⁶So den de Jew leada dem staat fa do Jedus bad cause e mek de man well pon de Woshup Day.