12ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤀᤠᤳᤋᤡᤴ ᤔᤏᤠ᤺ᤸᤗᤧ “ᤂᤧᤏᤧ᤹ ᤁᤧᤏᤧᤳᤏᤠ᤺ᤴ ᤕᤠᤱᤛᤡᤱᤅᤧ᤹ᤀᤠᤱ ᤌᤠᤛᤡᤱᤅᤧ᤹” ᤁᤧᤔᤧᤳᤋᤧ ᤗ᤹ᤖᤡᤰ ᤂᤧᤴ ᤛᤣ᤺ᤴᤔᤧᤍᤥᤛᤢ॥
13ᤂᤧᤴ ᤔᤏᤠ᤺ᤸᤗᤧ ᤂᤢᤏᤧ᤹ ᤁᤧᤘᤣ᤺ᤶᤒᤠᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤴᤗᤥ. ᤌᤣᤀᤠᤱᤓᤧᤸᤗᤧ ᤂᤧᤵᤔᤥᤒᤠ ᤔᤏᤠᤗᤢᤶᤔᤥ ᤕᤧᤛᤢ᤺ᤴ ᤀᤡ᤺ᤶᤛᤡᤱ ᤐᤣᤀᤠᤱ ᤜᤥ᤺ᤵᤋᤧᤖᤥ॥
14ᤕᤠᤱᤛᤡ ᤕᤧᤛᤢᤖᤧ ᤂᤧᤴ ᤔᤏᤠ᤺ᤴ ᤔᤠᤱᤜᤡᤶᤔᤥ ᤋᤢᤔᤢᤀᤠᤱ ᤔᤧᤳᤋᤢ. “ᤀᤥᤔᤧᤳᤋᤧ᤹. ᤂᤧᤏᤧ᤹ ᤁᤧᤏᤢᤖᤧᤀᤠᤱ ᤁᤧᤘᤠ᤹ᤖᤥ॥ ᤀᤠᤸᤗᤀᤠᤱᤎᤥ ᤗᤠᤕᤥ ᤔᤧᤈᤥᤃᤧᤴᤏᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤁᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤂᤧᤏᤧ᤹ ᤁᤧᤍᤢᤔᤢ᤹ᤖᤥ॥”
15ᤂᤧᤴ ᤔᤏᤠ᤺ᤴ ᤐᤣᤀᤠᤱ ᤀᤡᤱᤃᤠ᤹ ᤁᤧᤘᤣ᤺ᤶᤒᤠᤱᤃ ᤕᤧᤛᤢ᤺ᤴᤏᤣᤖᤧᤳᤇ ᤑᤠ᤹ᤀᤠᤱ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤔᤧᤳᤋᤢᤛᤡᤖᤥ॥
16ᤜᤧᤰᤁᤣ᤺ᤸᤗᤧ ᤕᤜᤢᤍᤡᤜᤠ᤹ᤖᤧ ᤏᤠ᤺ᤶᤛᤡᤱ ᤕᤧᤴᤏᤡᤸᤗᤧᤴ ᤛᤠᤶᤕᤥᤌᤡᤶᤔᤡᤴ ᤑᤣ᤺ᤴᤍᤢ ᤑᤠ᤹ᤀᤠᤱ ᤕᤧᤛᤢ᤺ᤴ ᤛᤠ᤹ᤖᤡᤰ ᤋᤢᤰᤂᤣ ᤆᤠ᤺ᤵᤔᤠ ᤔᤧᤜᤣ᤺ᤰᤋᤢᤖᤥ॥
ᤕᤢᤜᤢᤴᤏᤠ 5
ᤕᤢᤜᤢᤴᤏᤠ 5:12-16