1Na iddon timpu, norinog taddot mgo Pariseo no ahad mo‑uraa kos id dumoruma ki Juan, lampas pe‑en no mo‑uraa kos id dumoruma ki Disas woy id poboutismu kandin.
2Piru iyon bonnaa, konna si Disas kos id bovoutismu, ko konna, iddos mgo tinodduwan din.
3To nosorollan ni Disas no idda en kos norinog to mgo Pariseo, id tanan sikandin diyot prubinsya to Judea duma to mgo tinodduwan din woy id livod mandon sikandan diyot prubinsya to Galilea.
4Diyot kodlivod dan, ko‑ilangan en nod baya sikandan diyot prubinsya to Samaria.
5Na, noko‑inguma sikandan diyot morani to bonuwa to Sicar no sakup to Samaria. Diyon sikandan to livuta no id boggoy dangan ni Jacob to anak din no si Jose.
6Woy rutun, duwon moraom no bolun no id bovallan ni Jacob. Pomon to novolloy si Disas to kod‑ipanow rin, id ounsad sikandin diyot ibpit taddon bolun woy iddon timpu, moko‑untud don kos allow.
7Na iddos mgo tinodduwan din, id pontollus diyot bonuwa amoy od bovolli to koka‑an. Laggun to id ounsad pa si Disas, duwon sokkad no molitan no toho Samaria nid inguma su od ponikoddu. Kahin Disas kandin to, “Uri, po‑inomma a pobbe‑en to oweg.”
9Mid ikahi iddos molitan diyot ki Disas to, “Mambo man tod buyu ka koddi to oweg, su Judio ka man woy siyak, molitan no toho Samaria?” Id oseng din idda su iddos mgo Judio, waa me‑en moppiyon koroniyan taddot mgo toho Samaria.
Juan 4
Juan 4:1-9