Juan 2:20-25

²⁰Tsa lee re zha Israel nzhab lo Jesús: ―Chop galbxoop liin mta zha gwodoo naro ree, ¿ne lee lu tsonka wiz taa luy?

²¹Per gwodoo kuu mteth Jesús lo re zha nak kwerp Jesús.

²²Kona leettsa mroban Jesús xid re zha nguth, tsa lee re zha kuu ngeteed lo Jesús mtelaaz kuu nzhab Jesús, ne ngwalaaz zha re kuu nzhab lo xkiiz Diox ne re kuu nzhab Jesús, nak kuu wli.

²³Leettsa bee ndo Jesús lo ani Paskw yez Jerusalén, kwaro zha ngwalaaz Jesús, tak mwii zha mtsow Jesús re kuu thoz lo re men.

²⁴Per nyelaazt Jesús kuu mbez re men, tak nlebee Jesús reta men.

²⁵Ne ndechet Jesús naa cho taa kwent lo Jesús naa xa nak re men, tak lee Jesús nlebee leettsoo reta men.