Joshua 10:12-22

¹²Hicheni chun Pakaiyin Israeltechu Amor mite chunga galjonaanapen ahi. Joshua’n Israel mipite mitmu changtah’in Pakai hengah anataovin, “Gibeonchungah nisa dingden hen chuleh lha jong Aijalon phaicham chungah dingdenhen” ati.

¹³Hitichun nisa leh lha chu Israel nammiten agalmite ajokahseuvin ama muncheh’a adingdenlhontan ahi. Hiche thilsoh hi Jasharlekhabua kijihlutna hilouham? Nisachu vanlaijolla anading denninnidanga nisalhum ngai banginanalhumpon ahi.

¹⁴Pakaiyin amite taona anasanna-ah hitobang hi tumasang lehkhonung jengin jong anaumkhaponahi. Tahbeh mongin Pakaiyin hichenikho chun Israelte dingin galanasat peh’in ahi.

¹⁵Hiche jouchun Joshua leh Israelsepaite chu Gilgal ngahmunnahahung kilekit tauvin ahi.

¹⁶Gal kisat laitah chun leng ngahochu Makeddah songkoa anakisellun ahi.

¹⁷Joshua’n amaho chu ahin mudohphatnun,

¹⁸Hitihin thupeh ananeijin ahi, “Songkohom chu songlentah’insing’un lang lengho chu ahungpotdoh louna diuvin apangah chunangah ding mi koijun,” ati.

¹⁹“Adangse chun galmi hochunungdellunlanganunglangakonnin satchap jengun, akhopiununglhunsah kit louvin sugamjengun, ajehchu Pakaina Pathennun amaho chu nanghokhutna napehdoh’u ahitai,” ati.

²⁰Joshua le Israel sepaiten galmi hochuasuhmangsohkahseuvinathat that jengun ahi. Hitichun kulkigetkhum akhopiuva jamlut mithemchakhat tailou adangse chuabonchauvin asumangsoh hellun ahi.

²¹Hichejouchun, Israeltechu Joshuakom Makkedahngahmunnah bitkeijin akilekitnunahi. Hiche kalchu koiman Israeltedounan thu themchakhatcha jongaseipoh ngamtapouvin ahi.

²²Hichejouchun Joshua’n, “Songkohom kisinna songlentahchu ladoh’un lang leng nga hochukakommah hinpuijun” ati.