Jon 6:45-54

⁴⁵Ge, je hahun madec dana age agena jaqec je odi jaqein: ‘Anut uqa cunug iwaladigian,’ ein. Age abesabes Memige Anut iwaladeceb doin eu age ijaca hogina.

⁴⁶Euqa dana oso uqa Memige Anut qee fel. Oso uqa Anutnadec hon eu uqa himec Memige Anut fen.

⁴⁷Ija je mele maadigina, oso ijanu waug meleena eu uqa cebac bilec catanec wele on.

⁴⁸Ija cebac bilec catanecnu bred.

⁴⁹Age jajanagail wadauna manna jein qa age cal mein.

⁵⁰Euqa bred sao jobonnadec nena eu edi, oso uqa jigian eu uqa qee cal meiaun.

⁵¹Ija cebac bilec bred eu sao jobonnadec nen. Oso bred i jifei uqa cebac bileceb catanigian. Bred ija adigina eu ija deweni, eu dana mahana bilegina age jimeig cebac biluqagannu bred,” aden.

⁵²Odi maadeceb Juda dana age fee dadani madein, “Dana i adi uqa deweg eu jeqannu igigianfo?” ein.

⁵³Odocobil Jisas maaden, “Ija je mele maadigina, age Dana Melah deweg golacca qee jifeig age cebac bilec wawagana qee bilel.

⁵⁴Ija deweni eu sab bahic, ija golani eu wa gab jecnu bahic. Eunu oso ija deweni golanica jena eu uqa ija dunuhna bilina. Odocob ija uqa dunuhna biligina. Oso deweni golanica jifei uqa cebac bilec catanec uqanu nijia. Odocob cit qoc deelna tulidocomin caji cebac biligian.