Jon 1:7-14

⁷Uqa dana cajaca me je qasali maadecnu hon. Uqa fulacdocnu qasali maadeceb uqa umna fulacdoc eunu wawaga meleigiannu hon.

⁸Dana eu uqadodoc fulacdoc qee, uqa fulacdocnu qasali maadecnu hon.

⁹Fulacdoc mele bahic dana cajaca cunug wawaga fulacadena eu mahana cali hugia odon.

¹⁰Aria, je eu mahana bilen. Anut uqa je euna maha ifanen qa dana cajaca cunug mahana bilein age uqanu qee doloin.

¹¹Uqa uqana gunna cali hon euqa uqana eundec age uqa qee oidelein.

¹²Euqa leih age uqa oidein age uqa ijannu wawaga meleen. Eunu uqa Anutna mel ibuldocnu gagadic odoc aden.

¹³Age Anutna mel cali hoin eu dana gale adecnafo, age dewenega gale docnafo anagail memegail golanagana qee basadelein euqa Anut uqadih odocna cali hoin.

¹⁴Je eu dana deweg ibuldumei ege gemona jo cehi bilen. Uqa Anut amegna me bilecca mele bilecca am bec. Ege uqana kobolkobol fom. Kobolkobol eu Memige Anut Melah osol uqana, Memige Anut uqa suldocob nen.