Yohanes 1:7-14

⁷Muno Yohanes de po varo namije raura kakavimbe, indamu vatan tenambe wanave.

⁸Weramu Yohanes wepirati vare opa jewena, yara wepirati de po vare umaso raura kakavimbe.

⁹Varo kakui mo vatan tenambe mavar nde no mine so, wepamo Yesusa pije.

¹⁰Yesus Kristus no no mine so muno Wepi po mine so ranari vintabo, weramu vatano mine so wantukambe Ai.

¹¹De no taune Apa munije rai, weramu Apa kawasae wonayo Ai.

¹²Weramu vatano are nawirati manuga raneka wo augav muno wanave irati Ai, onawamo Amisye po varore raugaje mai indamu Apa arikainye waino mansai.

¹³Amisye apa arikainye waino mansai omamo maisyare vatane ibaunam ti yo arikainye mansaen omaisya jewen, muno anya beker wanya inta rai ti mo arikainye mavaki ma jewen tavon. Yara Amisye taune po vambunine raunande mai indamu Apa arikainye waino mai.

¹⁴Yesus umaso, Apa tame mi Ayao Amisy, opamo be vatanbe to, paje ti pe wana no mine so. Muinye manakoe no Ai muno Apa ayao mamo tugae rave. Muno Apa kovo ntiti mamo reandaen to. Opamo Injayo Amisy apa Arikainyo intabo dave weti Amisye apa kovo ntiti no Ai vintabo.