John 4:3-12

³Jesus-el awek-penh, Pharisee-rnemarl ikwer angkerrenh, ra Judea-ampeny-they alpek, apmer Galilee-ampeny-warl arrpemarl ikwer-rnem-kety.

⁴Ra apmer Samaria-ampeny-angkwarr alpek.

⁵Ra Samaria-ampeny-warl irrenhek, tawen anyent-warl itnan ikwerenh Sychar. Sychar-they arrer-antey apmer ran, arrwekeleny Jacob-elarl alerikw ikwerenh Joseph apmer antherlelpek.

⁶Kwaty ngenty ikwer-itwek anenh. Apmer-areny-rnemel itnewek Kwaty Jacob-kenh. Jesus alhengkerrirrek-anem, ingkel ra arlengel alhenh. Kwaty ngenty-arrangarr irrkerel ra anenh. Ingkeny irrwerlel-antey. Kwertengerl ikwerenh-rnem arrwekel-antey alhek tawen-warl, amern payemeletyek. Arelh Samaria-areny kwaty iylpwert ikwer-warl apetyek, kwaty inpetyek. Jesus inkek ikwer, “Kwaty ayenh antha, atha antywetyek.”

⁹Arelh apatemel angkek ikwer-warl, “Ngan Jew-arl, ayengan arelh Samaria-arenyarl. Nthakenh nga atyeng inkeyel, atha kwaty anthetyek, ntwa antywetyek?” Jew-rnem-kenh-angkwarr angka aynteyel, nthakenh amern arlkwey-angenh Samaria-areny-rnem-itwek. Rernem amern amenterrpant arlkwenh. Alakenh-they ra apatek, Jesus-elarl ikwer inkek, kwaty antywetyek.

¹⁰Jesus-el renh tyernek, “Akngey ilkelheyel-angkwarr ament arrpemarl, arrantherr renh iterl-arey-angenh, ilek-ilek anthey-angker. Ntwa ayenh iterl-arey-angenh-antey. Nga atyeng inkenty, atha kwaty impen ngenh anthem, kwaty impen itethiley-angker innga.”

¹¹Arelh ranem ikwer-warl angkek, “Atyetyartay! Ngenty kwaty-itwel yanhan kwen innga. Ampwal ngkwenh arrangkwarl kwaty inpetyekan. Nthenh-itwek ntwa inpem, kwaty itethiley-angker?

¹²Artwa arrwekeleny anwernekantherr Jacob ran ngenty angernek, ra kwaty antywenh ikwer-penh, alerikw-rnem-then atnwenth-rnem ingkerrenh anthwengilenh. Nganang ilkwa Jacob-angkwarran?”