Yohanis 4:3-12

³Nia no maktuir sia laꞌo nela rai Yudea, fila baa rai Galilea.

⁴Iha dalan, sia laꞌo tuir rai Samaria, atu borut baa Galilea.

⁵Iha Samaria sia toꞌo leo ida naran Sikar, kreꞌis baa rai mak uluk aan Bei Yakob foo baa oan Yusuf.

⁶Iha leo diꞌin, noo wee knuuk ida, naran ‘wee knuuk Yakob’. Loro natetu, Yesus sia toꞌo wee knuuk nia. Hotu Yesus nanawa kole iha nia. Niakaan maktuir sia laꞌo nela Nia mesan, baa sosa hahaak iha leo laran. La kleur, feto ida nosi leo nia mai nola wee. Yesus nusu baa nia naꞌak, “Bii. Haꞌu kbele kusu wee hemu oan ida ka?”

⁹Rona nola nunia, feto nia sarebak, tan tuir loos, ema Yahudi la kahur no ema Samaria. Nia nusu fila baa Yesus naꞌak, “Ama! Ama, ema Yahudi. Haꞌu neꞌe, ema Samaria. Ama nusu wee hemu baa haꞌu, kona ka?”

¹⁰Yesus katak naꞌak, “Nuneꞌe. Kalo bii natene saa mak Naꞌi Maromak nakara foo baa ema, no natene See mak nusu wee hemu neꞌe, bii nanis nusu fila wee baa Haꞌu. Hotu, Haꞌu moos foo wee mak nodi moris.”

¹¹Feto nia nataa naꞌak, “Ama la noo kakuruk wee. Wee knuuk neꞌe moos leꞌan. Oin nunabee, Ama bele netan wee mak nodi moris nia?

¹²Uluk aan Bei Yakob rai nela wee knuuk neꞌe baa ami. Bei Musa duꞌuk nemu nosi wee neꞌe. Niakaan oa sia moos nemu. Niakaan bibi no karau moos nemu. Keta manoin, ama bele netan wee mak diꞌak liu wee neꞌe!”