2Rernem arwerl alekw-penh ampwal akapwertek-arelh mpwarek. Rernem alekw-penh arrernek Jesus ikwer-warl akapwert-warl. Arnkwa rnter-rnter arlpenty-warl-anem rernem Jesus renh akwernek atyetyart ilkwekenh-arrpantey.
3Rernem ikwer-warl arrer-anem irrek, renh atwetyek. Rernem ikwer angkenh kwanthemel, “Nganem Jew-rnem-kenh atyetyartarl ilelhek!” Rernem renh arreyl atwek.
4Ikwer-penh Pilate warl-they tyerrelhek arrpemarl Ran angkek ikwer-rnemek, “Atyeng awelhenherr-arey! Ayeng yangkelhem atyenh-rnemek, rernem Jesus renh atnwenhey-alhetyek nhenh-warl, arrantherr renh aytaretyek. Ilek-they arrantherr renh ipmek atweman? Ilenherr-arey atyeng, nthakenh ra apmwel-areth mpwarek. Artwa alyelk arla atha areyel.”
5Jesus warl-they tyerrelhek, akapwert mwekart arreylp-angketyarr, arnkwa rnter-rnter-akert. Pilate Jew-rnem-kenh atyetyart-rnem-warl angkek, “Arenherr-arey! Ilenhey artwa ra!”
6Tyaty ilkwa atyetyart-rnemel iltyemwerney-rnemel-then Jesus arek-penh, rernem arlkek, “Artwa renh atwetyek! Arwerl iylpeyl-atherr-warl renh tywenetyek!” Pilate angkek ikwer-rnem, “Menty! Arrantherrant renh arwerl iylpeyl-atherr-warl aylpar-arrernenherr-arey! Atha renh arrwekel-antey arrkernemel ayernek, ilek-ilek-angkwarr. Ran apmwangkwarr mpwarey-angenh, arlarl ra.”
7Rernem Pilate renh ilek, “Artwa nhenhan ilelhek Akngey-kenh alerikw-arrpantey. Alakenh-they renh atwetyek, angka arrwekeleny anwekantherrenh aynteyel-angkwarr!”
8Pilate ra aterirrek, rarl awek-penh.
9Pilate-el Jesus warl kwen-warl atnwenheynek. Pilate-el renh ayernek, “Nthenh-areny ngan?” Jesus-el tyerney-angenh arrangkw, akater anenh.
10Pilate-el renh ilek arrpemarl, “Atyeng-warl ilelha, ayengan atyetyart ilkwarl. Atha ingwer-rnem ilanthetyek ngenh tyarlewetyek. Arrangkw, nga atyeng-warl ilelhey-angenh, ngenh arwerl ilpeyl-atherr-warl atanthem.”
John 19
John 19:2-10