Johannes 1:41-46

⁴¹Andru a müttir küna pwiin we Simon o üreni, “Äm aia küna ewe Messaia.” (Wewen ei kapas Messaia ‘Kraist’.)

⁴²Mürin a emwenala Simon ren Jesus. Iwe, Jesus a newenewen ngeni o üreni, “Itom Simon nöün Sona, nge iei kopwe iteni Kefas.” (Ei it Kefas a wewe ngeni ewe it Petrus, wewen ‘Eu achau’.)

⁴³Iwe, sorotän ewe rän Jesus a filätä pwe epwe feila Kalilea. A küna Filip o üreni, “Kopwe tapweto müri.”

⁴⁴(Filip i seni Petsaita ewe telinimw ia Andru me Petrus ra nom ie.)

⁴⁵Filip a küna Nataniel o üreni, “Äm aia küna ätewe Moses a mak usun lon ewe puken Allük, pwal ekewe soufos ra mak usun. I Jesus nöün Josef seni Nasaret.”

⁴⁶Nataniel a aisini, “Ifa usun, och mi mürina a tongeni feito seni Nasaret?” Filip a pölüeni, “Kopwe feito o nengeni.”