Jenesis 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Je jaqoc ina Adamna sihul ijanaga nijia. Anut uqa dana ifanen saen euna uqa dana Anut cinigwe muden.

²Uqa manahalca aidca ifanalen. Ifanaalen uqa eelalimei ijanala “Dana Cajaca” aqalen.

³Saen Adam uqana cabi gel 130 eu odi bibili bilei uqa aideg mel oso basen. Mel eu uqa cinigwe uqa hahun umei cali hon. Odocob uqa ijan Set qon.

⁴Aria Set cali hocob Adam uqa bileceb li uqana cabi gel 800 eu odi calen. Oodon Adam aideg uqa melahul ategulca haun basaden.

⁵Eunu Adam uqana cabi gel cunug gabandoc eu 930. Odocob uqa cal men.

⁶Aria Set uqa bibilen li uqana cabi gel eu 105 eu odi caleceb uqa aideg mel oso basen. Odocob ijan Enos qon.

⁷Odimei Set uqa bibilen li cabi gel 807 on. Oodon uqa aideg melahul ategulca haun basaden.

⁸Eunu Set uqana cabi gel cunug gabandoc eu 912. Odocob uqa cal men.

⁹Aria Enos uqa bibilen li uqana cabi gel 90 ocob uqa aideg mel oso basen. Odocob ijan Kenan qon.

¹⁰Odimei Enos bibilen li cabi gel 815 on. Oodon uqa aideg melahul ategulca haun basaden.

¹¹Eunu Enos uqana cabi gel cunug gabandoc eu 905. Odocob uqa cal men.

¹²Aria Kenan uqa bibilen li uqana cabi gel 70 ocob uqa aideg mel oso basen. Odocob ijan Mahalalel qon.

¹³Odimei Kenan bibilen li cabi gel 840 on. Oodon uqa aideg melahul ategulca haun basaden.

¹⁴Eunu Kenan uqana cabi gel cunug gabandoc eu 910. Odocob uqa cal men.

¹⁵Aria Mahalalel uqa bibilen li uqana cabi gel 65 ocob uqa aideg mel oso basen. Odocob ijan Jared qon.

¹⁶Odimei Mahalalel bibilen li cabi gel 830 on. Oodon uqa aideg melahul ategulca haun basaden.

¹⁷Eunu Mahalalel uqana cabi gel cunug gabandoc eu 895. Odocob uqa cal men.

¹⁸Aria Jared uqa bibilen li cabi gel 162 ocob uqa aideg mel oso basen. Odocob ijan Inok qon.

¹⁹Odimei Jared bibilen li cabi gel 800 on. Oodon uqa aideg melahul ategulca haun basaden.

²⁰Eunu Jared uqana cabi gel cunug gabandoc eu 962. Odocob uqa cal men.

²¹Aria Inok uqa bibilen li cabi gel 65 ocob uqa aideg mel oso basen. Odocob ijan Metusela qon.

²²Odimei Inok uqa cabi gel 300 eu odi Anutca cobosin. Oodon uqa aideg melahul ategulca haun basaden.

²³Eunu Inok uqana cabi gel cunug gabandoc eu 365.

²⁴Aria Inok mahana bibili uqa Anutca cobosin. Oodon Anut uqa ehuden. Eunu uqa jajanu qelen.

²⁵Aria Metusela uqa bibilen li cabi gel 187 ocob uqa aideg mel oso basen. Odocob ijan Lamek qon.

²⁶Odimei Metusela bibilen li cabi gel 782 on. Oodon uqa aideg melahul ategulca haun basaden.

²⁷Eunu Metusela uqana cabi gel cunug gabandoc eu 969. Odocob uqa cal men.

²⁸Aria Lamek uqa bibilen li cabi gel 182 ocob uqa aideg mel oso basen.

²⁹Odocob uqa maden, “Maha i Anut wele geuldon eunadec mel i ege cehi jecnu cabi culumenca oqonanu mel i uqa cesulgigian,” en. Eunu mel eu ijan Noa qon.

³⁰Odimei Lamek bibilen li cabi gel 595 on. Oodon uqa aideg melahul ategulca haun basaden.

³¹Eunu Lamek uqana cabi gel cunug gabandoc eu 777. Odocob uqa cal men.

³²Aria Noa uqana cabi gel 500 hedocob uqa melahul ijedca bilen. Age ijanaga eu Semca Hamca Jafetca.