Iwata Ari 2:22-32

²²“Israel embomai, ge eiwa ingiwo! Iji ainde Yesu Nasaret Embo itomane doda isite, God mi goroba ainda yai piesiri buro babain, wasiri babain, edo kariwa nenei edo eutara. Ango edo God mi itomane yai arapa euri gido eutara awa ami embo awa piesiri gupusina. Edo inemane akuta gewa awa gebé.

²³Edo embo eiwa, God mi matu ango arate sirigesisina awa, itomane yai piesiri inemane embo awa kundo embobo ainda aodari gaeda ipada pietewo awamanemi oregada detero besitara.

²⁴Ata God mi embo awa betarida jiri erorara edo betarida memesi awa udegatara, aindabé betarimi imo jiari tao ae, awatedo.

²⁵Edo iji matu David mi embo ainda ge site sisina, ‘Na iji berari BADARI namonde isira awa gido etena. Aindabé embo awa nato demobéda isima edo eira, awatedo, na adu ainyae.

²⁶Awatedo, nato do yawa esira, edo na God dasiga etena. Edo gebé, na betari tao ena, awarata, na oena apeite God da yai tumonda ana.

²⁷Aindabé, imo asisi nato bebetegarida sima ari yaida dowainyae, edo ito Embo Kotopu da tamo mana dowato depeka aina.

²⁸Inemi wasirida begata nenei nato yai awa eteto arapa esisina. Aindabé imo namonde daedo itata, inemi ato na yawa bajinabé ana.’

²⁹Peter mi site sisina, “Nanonameji, nane ge arapada tano gawate jipapa ena awa, ewowo Daotari David betesiri ainda tamo banga toda pipisitera. Edo ainda banga to kaenamonde einda boroko matawa isira.

³⁰Awatedo, kaena gotena, David ge ikaito awa tae. Ata ami peroveta eite gosisina awa, God tarigari okain pipisisina awa, David da tamoda ve Keriso jiari erido ainda daotarida anumba baina.

³¹Edo David mi wasiri eiwa idegaina awa gosisina. Awatedo, Keriso da betedo erarida ge ango sisina, God mi ainda asisi bebetegarida sima ari yaida dowae, edo ainda tamo depeka ae.

³²Edo Yesu eiwa God mi wasiride jiri eriri nakare berari jisimi gotara.