Isaia 10:3-6

³Gↄↄ pↄ́ Dii mↄ̀ ĩadaiwá, wà bↄ̀ za zã̀zã wà mↄ̀ á músikɛi, á kɛ kpelewa ni? Dé kĩ́i á bàalɛ gɛ́u aà á misii? Mákĩi á á àizɛɛↄ toui?

⁴A kee kpɛ́o, sema à vlãnau ń zĩ̀zↄↄ, ge àↄ ku gbɛ̃́ pↄ́ wà ń dɛdɛↄ guu. Ń beeo aà pↄkũma a kpálɛo, aà ↄ aↄ looańlaɛ.

⁵Waiyoo Asili pↄ́ aaì pↄkũmabↄbↄmámɛɛↄ! Ɔ̃mɛ ma pↄkpɛ̃nɛ go pↄ́ na ma ↄzĩ ũ.

⁶Málɛ ń kpakↄ̃a ń bui luayãdansaiↄ, málɛ ń zĩ gbɛ̃́ pↄ́ aa ma pↄ fɛ̃̀ↄwaɛ, kɛ́ aa ń pↄ́ↄ naaa, aa ń àizɛɛ sɛ́lɛ, aai ↄ̃zↄ̃má zɛ́kpaaↄu lán pɛ̀lɛawa.