Text copied!
BREAK EVERY YOKE
CopyCompare
Apanlli Kuku
- Isáysa
- Isáysa 1

Isáysa 1:2-8

Help us?
Click on verse(s) to share them!
2Tsapurunasshuchis, kanindshuchtamtis ichingurus, Apanllee kuk mazinangtsa. Apanll ateeja: Nuw tputsireetsi ipareepzi ashiru yanungakuri, siy kis kanungarangsa. Ashiritaa, tputsirshti nuwaa natsarangusin, nuwaa kasaranganaya.
3¿Antaati wakar wamkuree kuk nda mazinak? ¿Antaati burr minush tputs pang' watungasheem nachungak? Nda. Chinuz mang' ndunaritaa, mangoonkiya. Itaru, nuw tputsiri mangsharitssincha. Nuwaa nda pakchiyam chinakana; nda mangoonkana.
4¿Nuw siyaa yutaritshishpaneetsis tamaycheezi? Siy yutaritshisheetsimari uru chinaksa. ¡Siy shuchitampazis wipis ashirus yutaritshisheetsim kis chinaksa! Nuwaatssha Taarashipaneetsi arap kasarangsa. Nuw Apanlli siyaam Israelaamis taaritaati, ashiritaa siy nuwaa wanllitarangsa. Nuw siyaa kizpur chinarangitaati, ashiritaa siysa nuwaa natsaksa.
5¡Mangishis nuwaa kapeetamaam chinachintar ashiksa! Nuw siyaa kapungtaa pzkookpaz ashiruri, siyaa waniwantar ashkitaati, ashiritaa, nda siy kitsis mazinaksa. Muchis chuwimpaz ashiksa. Kapung tanukus, wizpuris ndunnaar taaksa.
6Nutsis kpumawpaz ashirus ashchiri shuneekiya. Nda pakchiyam matambish taaksa. K'tsimandis káyaru, muchipis wásur shuneekiya. Kpumaris, kuchakpaz ashiru kpuneekiya. Minamtiyam tputs siyaa nda istaku, irimiyapat taparat, taparat nda ashkiya, wásuree mayungamaama. Ashikpaz ashkitaatis, nda kitsis mazinakus, yutaritshishee kis chinaksa.
7Nuw siyaa waneektaati, itaru siysa nuwaa kuki nda payukus, kundararis siyaa kachingeersin, tsapuneetsis itutskachu, Mzarshitis mangutarisha taakiya. Ashkus, tatsumaris mangutarit itsankiya. Siyaa pangis tirooksin, yaktaris mzeeztar ashkiya. Saanasha anoo ngutis napataranll ashiksa. Kundararis tatsumareetsis kis shamangayarusin, katungkusin, kaching, kaching ashkanaya. Sodomshuch tamarangpari ashiritam tsapunis mangu kuree ashkiya.
8Kundararis siyaa pacharangusin, Siyonshuchis minamaritis katuchim taaksa. Na kundararis siyaam tsangakanaya. Siyonshuchis yakat tambpaz ashiru mzatsip upusanand xiyaa ashkiya. Sundarshat kachingamamari iturpipitaraa, iturpipitaraa ashishtangat ashkanaya.

Read Isáysa 1Isáysa 1
Compare Isáysa 1:2-8Isáysa 1:2-8


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!