Iosua 18:12-21

¹²Na tabeke mule sike a tabekena malala ne ria, a nagi i tubu na naru e Iordan i sike mai a kupona na tabeke mule sike na tanga e Ieriko. A nagi i kaogo vonga i lakea mai a tabeke na nirolona haro i lokovonga liu na tabeke i ngeki ne Bet-Aven.

¹³Muri a nagi i lakea mai a tabeke mule puru na kupona na tanga e Lus (re Betel), i puru mai a tanga e Atarot-Adar, i pesi na mapana lolo tabukoi na tanga e Bet-Horon.

¹⁴A nagi i kaogo vonga i lakea mai a tabeke tara na nirolona haro na lolo na tabeke ne Bet-Horon. A nagi i puru lakea i vano i bele na tanga e Kiriat-Bal (re Kiriat-Iearim). Ra tanga iea ne vona e huriki a Iuda na tabeke na nirolona haro.

¹⁵A nagi na tabeke mule puru i tubu tabukoi o Kiriat-Iearim, i lakea mai a nirolona haro i bele na lomu e Neptoa.

¹⁶A nagi i ramai puru a vahana lolo na tabeke mule sike na maloku ne Repaim, na hini i tubu vona a maloku ne Hinom. I tubu tabu vonga i puru lakea, i padi­kudua a maloku ne Hinom, i lakea mai a rihuhu na tabeke mule puru na tanga ne huriki a Iebus. Muri i lokovonga mai a lomu ne En-Rogel.

¹⁷A nagi i sike lakea na lomu ne huriki a En-Semes i lakea mai a tanga e Gelilot. A viri i pesi vonga bara i masia a bala i sike mai a lolo na tanga e Adumim. A nagi i puru mai a kedo dagi ne Bohan, ra kedo iea ni vunu ramai e tune Reuben bakovi.

¹⁸A nagi i ramai a rihuhu i sike na lolo ne Bet-Araba, muri i lakea mai e Araba.

¹⁹I malaparu vonga tabu i sike lakea na kupona ne huriki a Bet-Hogla, i vano i bele na Dari Mate na ngutuna a naru e Iordan. Ra nagi iea, a nagi na malala ne Bensamin na tabeke mule puru.

²⁰A nagi na tabeke na nirikena haro i ramai a naru e Iordan. Ra nagi nga, a nagi na tabekena malala na kabu e Bensamin.

²¹A maka tanga dagi i ravulu a polona i rua, turana maka tanga kiroko ri pesi tabukoi ne ria, ne vona a kabu ne Bensamin. A rana maka tanga ra nga: e Ieriko, e Bet-Hogla, e Emek-Kesis, e Bet-Araba, e Semaraim, e Betel, e Avim, e Para, e Opra, e Kepar-Amoni, e Opni, e Geba.