Ioane 8:49-53

⁴⁹Iesu i heuioidi i ene, “Nige demoni esau nuagu eai; Tamagu ea hedebasaei, eo omi au itadobidobiegu.

⁵⁰Nige ea laoma ea ribatausaeuioigu: esau mo ia hedebasaegu i eooi, eo ia tau‐heduhedudurai hinage.

⁵¹Mamohoi, mamohoi, ea heribamiu ta, ea ’ne, ena tau esau egu riba i sogohi, ia mate taba nige i ita.”

⁵²Iudea tataodi ia se heriba si ene, “E abo aie ita, diabolo esau nuam eai. Aberahama i mateo, eo peroveta tataodi hinage, eo oa u ene, ‘Ena tau esau egu riba i sogohi mate amnana taba nige i ataiei.’

⁵³Tamamai Aberahama i mateo, oa bena u saetawatawai wa? Eo peroveta se mateo hinage: oa eai, u ribapasipasiuioim?”