يَيَ 8:49-53

⁴⁹عِسَ نَشَ عٍ يَابِ، «حِننّ مُ ﭑ تَن قْشْ رَ. ﭑ تَن ﭑ بَبَ نَن بِنيَمَ، كْنْ وٌ تَن ﭑ يٍلٍبُمَ.

⁵⁰ﭑ مُ ﭑ يّتّ عِفبٌمَ. عَلَ نَن ﭑ مَ قٍ عِتٍمَ. كِيتِ بِرِن نَ عَ تَن نَن يِ رَ.

⁵¹ﭑ شَ عَ قَلَ وٌ بّ عَ نْندِ كِ مَ، شَ نَشَن يٌ ﭑ شُي سُشُ، نَ كَنيِ مُ سَيَ كٌلٌنمَ عَبَدَن.»

⁵²يُوِقِيٍ نَشَ عَ قَلَ عَ بّ، «مُشُ بَرَ فّ عَ كٌلٌندٍ قَ عَ حِننّ نَن نَ عِ قْشْ رَ. عِبُرَهِمَ نُن نَمِحْنمّيٍ بِرِن لَاشِرَ نّ، كْنْ عِ تَن نَشّ، ‹شَ نَشَن يٌ ﭑ شُي سُشُ، عَ كَنيِ مُ سَيَ كٌلٌنمَ عَبَدَن.›

⁵³ثٍ، مُشُ بٍنبَ عِبُرَهِمَ تٌ قَ لَاشِرَ نّ، عِ تَن دَنفِ عَ رَ؟ نَمِحْنمّيٍ قَن لَاشِرَ نّ. عِ تَن قَ عِ يّتّ قِندِشِ ندٍ رَ؟»