Ioane 19:28-36

²⁸Ina ta murina eai Iesu i nuatuiyao ginauri gamagaridi se ginauriheohidio, eo hinage uriuri tabuna bena arinai se hemamohoiei, i ene, “Gadogu ie magu.”

²⁹Gaeba esau se tore vinega i monau: isi baro eai vinega se heboriri, hisopa eai se paihepatu, se helelesaei awana eai.

³⁰Iesu vinega wa i abi, abo i ene, “I lautom’o:” ia abo uruna i tapoi, earuana abo i mosesaei.

³¹Abinonoha asubenana eai arinai Iudea tataodi si ene, tabu sinare si ota satauro eai asubena Sabati eai, (paana nei asubena Sabati ne asubena saesae aririna), arinai se oimuri Pilato arinai, aedi siadadi bena si eatugodudi, bena abo se lae hesuaradi.

³²Iala tataodi abo se laoma esau aena se eatugodudi, esau hinage doha, isi maedi Iesu se hesatauroesegaidi wa.

³³E, se lage Iesu arinai abo se italobai ia i matearirio, arinai ia aena nige se eatugodudi.

³⁴Na iala tauna esau alahia ie abi i osomsaei Iesu lisilisina eai, arinai abo osina eo goila se dididobima.

³⁵Tauitana ia ede i ribahemasaraha, ena riba wa riba mamohoina ede: eo i nuatuiyao riba wa i riba mamohoiei bena omi abo au awamamohoiei.

³⁶Teina ginauri ta se ginauridi bena uriuri tabuna se hemamohoiei, si ene. “Ia siadana taba nige esau si eatugodu.”