Indu 15:14-18

¹⁴Sima à bre ki inta inkindirr yi nggo Abachi à na zhi ni ime̱me̱ yi, nggo à ttu abanu nu umi ku abangga ba nggo a si si anu Yahuda hen ki anishirr ama.

¹⁵Abi kpa are ba mi a da meme yo ni itu i ure unggo ku, nu nggo angbamvu ka Abachi ka da di,

¹⁶“ ‘Ni ichi ingga ta kanga, ni vu àko ka Doda ka me. Ime yi nggo a na yi ki ndanda ingga ta vu yi me, ni ta na yi ki kyekye,

¹⁷wre ku inkpu anishirr yi nggo a ni so tsitsirr ni ingbingbru yi, abangga ba nggo a si si ani Yahuda hen a bu ga anko a Atiko wa. Ingga, Abachi yo nggo i da meme.

¹⁸Atiko wa yo à du anishirr ba hi meme ngbangbamu.’ ”