Jesos Odanodaganan Odijitcige8ini8an 15:14-18

¹⁴Simo kigi mikodamagonan adi Kije Manido ka todag nitam kidji 8abadai8edj e sagiadjin ke8ina8a ega ka Coda8inni8indjin, e onabamadjin 8ina8akag ini8e ke tibenimadjin.

¹⁵Mi kagi ikido8adj ke8ina8a niganadjimo8innig. Ojibiigadeni mega:

¹⁶‘Ka Tibendjigedj ikido: Ick8a dac ii, niga koki tag8icin. Mi maia migi8am kagi ka8iseg acitc kagi ick8a abadag ejinag8anig David odogima8i8in. Niga koki ojita8an. Niga kitci sogakisida8an kiabadj.

¹⁷Midac kakina kodagiag a8iagog oga pi nanada 8abama8an ka Tibendjigendjin, adigotc enakanezi8adj a8iagog kagi onabamag8a.

¹⁸Mi oo8eni kagi ikidodj ka Tibendjigedj, 8in kagi kikendamoni8edj ini kegonan aja 8eckadj.’ Mi mezinadenig.”