Ihi 30:3-9

³Noravauvo, te qutuvi ruhiqauri vaurara are ti kahaqama timitaaramanta te qaqi vauro. Te qutu vuaka varianaini virera urara, are ti kahaqama timitaaramanta kia qutu vuro.

⁴Ne Kotira vaiinti nahenti ihi tivaqi viha vira autu takuqi vaira tuahera kaate. Viva koqe kaiqa, vo kaiqa vo kaiqa ni vara nimitairara irihama, virara koqeve tivaqi vuate.

⁵Vira arara itaiva kia vukai vairaitiro, vaaka humpama vi vaira. Viva tinavu koqema timite vaiva kia vaaka taiqa viraitiro, ekaa tenavu qaqi variqi vuaina entara variqiro vuanaro. Entaqi tenavu iqi rataqi vuariraro auquru ntavaqiro viro, toqaqi aaharauqama viraqe tenavu quaheha vairera.

⁶Te tentara tiha, Te homa vauro. Kia vo haikavano ti qoraiqama timitaanarove, tuna entara,

⁷are ti koqema timite variaramanta te aiqina voqaara kempukaiqamake vaunara. Noravauvo, te mintimake vauraravata, are ti avuqaahaira kukeqa vuararo ti muntuka qoraiqimanta qeteha vaunara.

⁸Noravauvo, te ai aareha ariara, Mpo, ti kahaqiane.

⁹Ti arukaiqe te qutu vuainaraqaahairo kia koqe haikavano qovaraiqianarove. Te qutu vuaka varianaini otu vuarera, ti vaatavano konkomaiqama viro nantiakeroe vi konkomava ai autu tuaheraanarove? (6:5) Vi konkomava kia ho are ti koqema timitenarara vaiinti nahenti tiva nimianarove.