Pisalem 30:3-9

³Goe gu benebene au gi daha mo taalunga. Dogu hana hua gi baahi digau mmade, gei Goe guu hai au gi mouli.

⁴Goodou go nia daangada huogodoo a Mee ala e manawa dahi, goodou daahili hagaamu ina Dimaadua. Gi langahia e goodou nia mee a Tangada Haga madagudia ala ne hai, ga danggee gi Mee!

⁵Di hagawelewele o Maa le e hai hua hagabalua, gei tumaalia o Maa le e waalooloo be di waalooloo o di mouli o tangada. Nia wai dangi e mee di hali i di boo, gei di tenetene le e hanimoi i di luada.

⁶Au ne hagalongo iha i ogu lodo bolo au guu tanga gi daha mo nia haingadaa, gei au ga helekai i lodo dogu manawa boloo, “Au gu deemee loo di magedaa.”

⁷Goe gu humalia huoloo mai gi di au, meenei Dimaadua, Goe gu duuli au gadoo be di abaaba dauwa i hongo di gonduu. Ga nomuli, gei Goe gaa bala hagammuni i di au, gei au gu madagu.

⁸Au gu gahigahi Goe, meenei Dimaadua, au gu dangidangi i di hagamaamaa adu gi di Goe, ga helekai,

⁹“Ma di aha e kae Kooe i di au, maa au ma gaa made? Ma nia hagahumalia aha e kae Kooe i di au, maa au ma gaa bala i lodo taalunga? E hai behee, digau ala guu mmade le e mee di hagaamu Goe? Digaula e mee di hagadele di hai o do dumaalia deeodi?