Ibraawe 3

1

2

3

4

5

6

7

8

9

10

11

12

13

¹Hessa gish saloppe xeeyssi intena gakkin ammaniza nu ishato! Nu ammanos Hawaarenne Qeeseta halaqa gidida Yesusa qoppite.

²Musey Xoossa Keeththa ubba bolla ammanettidade gidida mala Yesusikka bana shuumidades ammanettidade.

³Keeththe keexxidades keeththafe bollara bonchoy diza mala Yesusasikka Museppe aadhdhiza bonchoy bessizade gidanas bessees.

⁴Keeththe ubbaska keexxidadey dees; gido attin wursikka ooththidadey Xoossa.

⁵Musey tinbite markatishe Xoossa Keeththa ubba bolla issi ammanettida oosancha mala gidi de7ides.

⁶Kirstoosi gidikko Xoossa Keeththa bolla ammanettida naa mala. Nunikka iza bolla ammanettiza ufayssaynne ceeqqettiza hidota lo7ethi oykikko nu izas duussa keeththa.

⁷Hessa gish Xillo Ayanay giza mala “Inte hach iza qaala siyikko

⁸bazzo biittan inte tana paacida wode makalidayssatho inte wozna muumisoppite.

⁹Inte aawati kase heen tana paacidanne tanara eqetida. Ta ooththidayssa wursi oyddu tammu layth gakkanaas beyida.

¹⁰He wode yeletethata bolla ta hanqettada; ista woznay ubba wode balettees; isti ta oge eribeytenna.

¹¹Qasse ‘Ta istas immiza shemposo isti mulekka geletenna!’ gaada tani ta hanqon caaqadis” gees.

¹²Ta ishato! Intefe oonikka de7o Xoossafe haraso intena haassiza iitanne ammanonta woznay doonta mala naagetite.

¹³Harappeka inte garsafe oonikka nagaran balettidi ba wozna muumisonta mala “Hach” geetettishin hach hach inte inte garsan minetite.

¹⁴Nuus kase koyroppe diza ammano nuni wurseth gakkanaas lo7ethi minthi oykikko nuni Kirstoosara issife laattana.

¹⁵Hessika “Inte hach iza qaala siyikko kase makalidaytayssa mala ha7ikka inte wozna inte minthonta mala” geetetti Geeshsha Maxaafan xaafettidayssatho hanides.

¹⁶Siydi makaldayti isti oonantee? Musey Gibxeppe kaaleth kessidayta ubbata gidettennee?

¹⁷Xoossi ista bolla oyddu tammu laytha hanqettidayti isti oonantee? Nagara ooththin ista ahay bazzo biittan kundi attidayta gidettennee?

¹⁸Izas azazettonta ixidaytappe attin iza shemposo gelonta mala izi caaqi diggiday haray oonantee?

¹⁹Hessa gish isti gelonta attiday ammanoy baynda gish gididayssa nu eroos.