Hwan 9:5-13

⁵Ammi ta kettak para la ta paglelehutin a iyak ya mangpadakar ta sugiram na tolay kiden,” kunna.

⁶A tentun nakauhohug ta isin a naglutab ta lutak, kapye na nelagum ya lutak ta lutab na en. A sangaw nedirkat na ya fuyaken ta mata na daramen kapye na dinob nga ange magamwas.

⁷“Aran, E kan magamwas ta kinan da en ‘Agzigutan na Siluwam’,” kunna ta daramen. (A ya ikayat na uhohugan na Siluwam a ‘Nedob’, kunna.) Umange mantu nagamwas, a tentu en dimmatang ta bali na en a makaitan.

⁸A ta nepakaita na karuba na kiden tentu a “Intu hala de ya nakilimlimuten,” kunda. A kumanen hapa ya uhohug na nakaita kiden tentu ta nepakilimlimut na en.

⁹“Intu kad hala,” kun na kadwan, ammi ta kadwan a “Bakkan ta intu, am awa kagitta la na bari na en,” kunda. Ammi ya uhohug na daramen tekid a “Maski iyak haman,” kunna.

¹⁰A ya uhohug da mantu tentu a “Had kukunna mantu na nepakaladdang mu?” kunda.

¹¹“A te ya nagngagan ta Hesus a namadday ta fuyak, kapye na nedirkat ya fuyaken ta matak kiden. A ‘E kan magamwas ta iten Siluwam,’ kunna teyak. “A umange yak mantu nagamwas, a sangaw nakaita yak na,” kunna.

¹²“A had agyan na kinamen Hesus ta ayanin?” kunda ha tentu, ammi awena kan amu.

¹³A ta nepamadday ni Hesus ta fuyaken ikid na nepagpaladdang na ta mata na daramen a araw na agimmang na Hudyo kiden. A sangaw itta ya umange nangalap ta lalaki en, petta iange da ta Pariseyu kiden,