Joni 9:5-13

⁵Nagrama ama mopafima emani'noana, Nagra ama mopafi vahe'mofo Tvire.

⁶Anage Agra huteno, mopare avetu heno eri igri huno, higogna huteno, ana mopa tarega avure frenenteno,

⁷amanage huno asmi'ne, Vunka Silomu tirupi ti omefro. (Silomue hu'nea kemofo agafa'a, huntegeno vu'ne hu'ne.) Ana hutegeno vuno ti ome freteno, avurga hari higeno mika'zana negeno e'ne.

⁸E'ina hige'za, ana ne'mofo tvaonte nemni'za vahe'mo'zane, ana ne'mo keza netige'za negaza vahe'mo'zanena amanage hu'naze, Ama ne'mo mani'neno kezatino meme nehigeta negona nepi ru nere?

⁹Mago'amo'za anage hu'naze, ama ana nere nehazageno, mago'amo'za hanaveti'za anage hu'naze, a'o agra ana ne' kna'nehie. Ana ne'mo huno, nagra ana ne' mani'noe, huno zamasmi'ne!

¹⁰Zamagra anage hu'za antahige'naze, Inankna hankeno kavurga erihari hugante'ne? hu'za agenoka hu'naze.

¹¹Agra ana ke'nona anage hu'ne, mago ne'ma Jisasi'e nehaza ne'mo, mopa erino tinuti eri igri huteno navurgare frenanteno, amanage huno nasmi'ne, Siloamu vunka tirupi omefro hige'na, vu'na tina ome frogeno, navu rgamo'a hari hige'na navua ke'noe.

¹²Zamagra ana ne'ku anage hu'naze, kvuma eri so'e hu'nea nera inantega mani'ne? Hzageno avuma azeri harima hunte'nea ne'mo'a, nagra onke'noe hu'ne.

¹³Anama avu asu hu'negeno azeri hari hu'nea nera, avare'za Farisi vahete vu'naze.