Hechos 25:8-12

⁸Eshko Pablo opwl̈ikë wl̈o ga tjl̈ẽ ga «L̇l̇ëye owa shäryoror l̇l̇ëme. L̇l̇ëye shäryoror judíoga kjok l̇l̇gwekkl̈o l̈i wl̈oyo l̇l̇ëm, l̇l̇ëye shäryoror Sbö u l̈i wl̈oyo l̇l̇ëm, l̇l̇ëye shäryoror tjl̈apga pjl̈u kësbangyo sök Roma kjokyo l̈i wl̈oyo l̇l̇ëm bakoe» l̈e.

⁹Gueniyo Festo ber pjl̈ú woydë judíoga tjok kjĩshko ga tjl̈ẽ Pablo kong ga «¿Pja jem woydë Jerusalén kjokyo, pja l̇l̇gwer eshko wl̈ore?»

¹⁰«L̇l̇ëme. Tja shäng pjl̈u kësbangyo sök Roma kjokyo l̈i no l̇l̇gwezl̈ong bokshto, tja l̇l̇gweya wl̈o. Miydëp pjl̈ú ga l̇l̇ëye shäryoror owa judíoga kong l̇l̇ëme.

¹¹L̇l̇ëbo owa shäryoror, tja ber zrökko wl̈o wl̈eni ga tja zrökko. Gueniyo tjl̈õkwo l̈e l̈ok bor wl̈oyo l̈i, tja rote l̈i jyõ erö wl̈eni ga tja twako ba kong wl̈o l̇l̇ëme. Ga rokër bop kong ga tja l̇l̇gwega ber pjl̈u kësbangyo sök Roma kjokyo l̈irë om go» l̈e.

¹²Eni ga Festo l̈ano ba poshdunggaga l̈öng l̈i tjok. L̈ano pjir ga tjl̈ẽ Pablo kong ga «Rokorop bor kong ga pja l̇l̇gwega ber pjl̈u kësbangyo sök Roma kjokyo l̈irë om go. E kjĩshko ga pja ichër jongya ba shwoy Roma kjokyo» l̈e.