HECHOS 25:8-12

⁸Xjats ja Pablo køꞌøm ñagyugajpxyɨyɨ jøts tnɨma̱a̱y ja møj yikutujkpɨ: ―Nɨpøn nɨti ngadamɨdundɨgøy, nɨ ja israelɨt ja̱a̱ꞌy kyutujk jøts nɨ ja cha̱ptøjk, jøts nɨ ja romanɨt ja̱a̱ꞌy myøjyikutujkpɨ ngamɨdundɨgøy.

⁹Xjats ja Festo, kumɨ tyunwa̱jnɨp ja mayꞌa̱jt ja israelɨt ja̱a̱ꞌy jøts yꞌøyja̱wɨyɨdɨt, xjats ja Pablo tyiktɨɨy jøts yiknɨma̱a̱y: ―¿Mnøjkxwa̱mp jam Jerusalén? Jamnɨm øts nbayøꞌøty ja mbøky.

¹⁰Wɨnets ja Pablo tꞌadsojɨmbijty jøts tnɨma̱a̱y: ―Pa̱a̱tꞌa̱jtp øts ya̱a̱yɨ nyiktɨɨdyuꞌunt, kumɨ ja møj wɨndsøn César ya̱ køꞌøm tø tpɨkta̱ꞌa̱ky yø kutujkta̱a̱jk. Wa̱ꞌa̱tsxɨ me xnɨja̱wɨ ku øts kaꞌ yø israelɨt ja̱a̱ꞌy ti ndamɨdundɨgøy pøn jap wa̱mp jøts øts ja nbøky nguꞌoogɨt,

¹¹kaꞌap ø nwa̱ꞌa̱ñ jøts øts ngagupøkt ja oꞌjkɨn; jøts pønɨ kaꞌadam yjanchɨ midi øts yøꞌ xanɨꞌøøꞌnɨdɨp, nɨpøn kyapa̱a̱tꞌatyɨyɨ jøts øts xkøya̱ktɨt ma̱ israelɨt ja̱a̱ꞌy. Wa̱mp øts jøts ja møj wɨndsøn César øts køꞌøm xɨɨdyuꞌunt.

¹²Xjats ku ja Pablo jadeꞌen kya̱jpxkɨjxy, wɨnets ja møj yikutujkpɨ møøt tka̱jpxꞌøyɨyɨɨꞌñ ja pyutanaabyɨ, wɨnets yiknɨma̱a̱y ja Pablo: ―Tø køꞌøm mwa̱ꞌa̱ñ ku ja møj wɨndsøn César mdɨɨdyunɨyɨt. Jaꞌats ɨdøꞌøn mnɨnøjkxp.