HECHOS 13:6-10

⁶Ne’ets tsa’bibilchic tim puhuel nixe’ ts’aclath tsabal, ani taley ulitschic ti bichou Pafos. Taja’ in tamuchic jun i Israel im bij Barjesús axi pel i thiman. In uluq’ui in janamtal abal pel jaja’ jaye i caulome c’al a Dios.

⁷Pel i alhua’ ja’ublab c’al an gobernador Sergio Paulo axi pel i lej tsalpath inic. An gobernador in abchi an cau ca chich a Bernabé ani a Saulo, cum in le’ quin ats’anchi in cahuintal a Dios.

⁸Ani nixe’ xi thiman Barjesús ax u bijiyab jaye ta Elimas, tocat in lej tomolnal a Bernabé ani a Saulo cum yab in le’nanchal quin jilchi an gobernador quim belchi in cahuintal a Dios.

⁹Tam a Saulo ax u bijiyab ta Pablo jaye, in lej tsapic met’al an thiman. In ichich a Saulo jum putat co’onchith c’al an Espíritu Santo.

¹⁰A Saulo in ucha’ an thiman: ―Tata’ ojni’ it lej c’ambibma’ ani it lej pojcaxma’. Cum ti lej eyenthanchal a ichich an teneclab, jaxtam a ets’ey tomolnal jahua’ alhua’. Tocat a lej lubal ca t’apchi in tsalap an inic abal yab quin aynanchi im belil an Ajatic.