ᤛᤣ᤺ᤰᤕᤢᤰᤔᤡᤒᤠᤜᤠ᤹ 13:6-10

⁶ᤂᤧᤱᤜᤠ᤹ ᤐᤠᤑᤥᤛ ᤕᤧᤰᤕᤰᤁᤥ ᤔᤧᤱᤃᤧᤳᤋᤣ ᤌᤠᤖᤡᤰ ᤘᤠᤃᤵᤗᤠᤈᤣ᤹ ᤂᤠᤖᤠᤰ ᤗᤠᤶᤍᤡ᤺ᤰ ᤔᤧᤈᤥᤃᤧ॥ ᤂᤧᤵᤔᤥ ᤂᤧᤱᤜᤠ᤹ᤖᤧ ᤌᤡᤰ ᤕᤜᤢᤍᤡ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤒᤠᤖ-ᤕᤧᤛᤢ ᤔᤧᤵᤔᤏᤠᤒᤠ ᤁᤡᤆ᤻ᤆᤠᤰᤁᤡᤴ ᤔᤧᤍᤢᤔᤢ॥

⁷ᤂᤧᤸᤗᤧ ᤁᤢᤴᤍᤣ᤺ᤱᤒᤠᤴ ᤂᤧᤴ ᤘᤠᤃᤵᤗᤠᤈᤣ᤹ᤀᤥᤒᤠ ᤛᤢᤜᤠᤱᤃᤧᤶᤒᤠ ᤛᤷᤃᤡᤕᤛ ᤐᤦᤗᤢᤛᤧᤴ ᤘᤕᤧᤀᤠᤱ ᤛᤥᤖᤡᤰ ᤂᤧᤴ ᤂᤢᤏᤧ᤹ᤏᤢ ᤋᤠᤰᤁᤴᤍᤧᤖᤥ॥ ᤛᤷᤃᤡᤕᤛ ᤐᤦᤗᤢᤛᤧᤴ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤛᤠᤒᤠ ᤘᤕᤧ॥ ᤂᤧᤸᤗᤧ ᤒᤖᤏᤠᤒᤠᤛ ᤏᤢ ᤛᤠᤘᤗᤧᤴ ᤀᤢ᤺ᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤂᤧᤶᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥

⁸ᤁᤖ ᤂᤧᤴ ᤁᤡᤳᤆᤠᤰ ᤀᤡᤗᤢᤔᤠᤛᤧᤴ (ᤃᤪᤡᤁ ᤐᤠ᤺ᤴᤍᤠᤱᤅᤥ ᤂᤧᤸᤗᤧ ᤁᤢᤔᤡᤱᤅᤡᤸᤗᤧ ᤁᤢᤒᤣ᤺ᤴ ᤁᤡᤳᤆᤠᤰ ᤐᤥ᤺ᤱᤗᤥ) ᤂᤢᤴᤇᤡ᤹ ᤋᤰᤗᤧᤱᤘᤠᤀᤥ ᤐᤥᤃᤧᤀᤠᤱ ᤛᤢᤜᤠᤱᤃᤧᤶᤒᤠ ᤛᤷᤃᤡᤕᤛ ᤐᤦᤗᤢᤛᤧᤴ ᤕᤧᤛᤢ᤺ᤴ ᤏᤛᤠ᤺ᤴ ᤆᤥ᤺ᤰ ᤔᤧᤶᤒᤠᤱᤔᤠ ᤋᤶᤛᤡᤴ ᤆᤥᤃᤢᤀᤠᤱ ᤂᤧᤱᤜᤠ᤹ ᤀᤳᤋᤢᤛᤡᤖᤥ॥

⁹ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤌᤢᤰᤋᤢᤀᤠᤱ ᤛᤠᤘᤗᤖᤧ (ᤂᤧᤸᤗᤧ ᤁᤢᤔᤡᤱ ᤐᤠᤘᤗᤀᤠᤱ ᤘᤕᤧᤖᤥ) ᤂᤧᤴ ᤀᤡᤗᤢᤔᤠᤛᤧᤴ ᤀᤍᤰᤋᤰᤁᤠᤱ ᤀᤥᤔᤧᤳᤋᤢᤖ ᤔᤧᤳᤋᤢ.

¹⁰“ᤂᤧᤏᤧ᤹ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤛ᤻ᤛᤠ᤺ᤀᤣ. ᤁᤠᤰ ᤛᤠᤶᤕᤥᤏᤡᤔᤠᤸᤗᤧ ᤁᤢᤏᤡᤱᤔᤡᤀᤣ. ᤂᤧᤏᤧ᤹ᤃ ᤁᤠᤰ ᤀᤡᤱᤗᤧᤰ ᤏᤢ ᤑᤧᤴ ᤕᤠ᤺ᤶᤒᤰᤗᤧ ᤁᤢᤎᤡᤶ ᤁᤧᤘᤠ᤹ᤖᤥ॥ ᤂᤧᤏᤧ᤹ ᤍᤠᤱᤒᤠᤸᤗᤧ ᤋᤥ᤺ᤴᤍᤥ᤺ᤶᤒᤠ ᤁᤢᤗᤠᤶᤔᤡᤴ ᤐᤧᤃᤧᤰ-ᤘᤃᤧᤰ ᤆᤥ᤺ᤰᤔᤠ ᤗᤧᤖᤧ᤹᥄