Hebreos 3

1

2

3

4

5

6

7

8

9

10

11

12

13

¹Beetsy, lëë do pchooxaal par jkiiñ do lo Dios. Tugak kol ksaladzy Jesús, por lëë Dios pxaal xaa parñee kak xaa pxosy nii kuñ lëë no yudar parñee kniladzy no xtiits Dios.

²Tugak psoob Jesús xtiits Dios sinak nii psoob Moiséso.

³Per mastre non Jesús lo Moisés. Nako sinak tu xaa nii xsaa yu. Mastre non xaa lo yu.

⁴No xaa nii xsaa yu, per lëë Dios xsaa kchë kchësy cos nii no.

⁵Mbëë psoob Moisés xtiits Dios. Kop cuidad Moisés meñ nii ngab lo Dios ni kwnee xaa nii beeñtsyey Dios despuesy.

⁶Per lëë Crist, Xiñ Dios nak xaa. Chap cuidad xaa lëë no, por nak no sinak lidzy Dios deelñee kchosody no lo xtiits Dios.

⁷Por ngo gaa nii xñee Kyalbini Ntson leñ xkitsy Dios: Deelñee xkëëtyag to xtiits Dios natse,

⁸kuuñ jkyeesty to styoo do sinak beeñtsyey meñ nii beeñ Dios preb worñee sitedy meñ tañ pidzy.

⁹Siko pkaal pxusykoltoo do naa, nikxe nii kon pxusykoltoo do kyalntson nii beeñtsyeyaa choow iz.

¹⁰Por ngo nii lëën blëë lo pxusykoltoo do aan chëpaa: “Tugak këtañ xaa. Chaklasty xaa tso xaa xnëzaa.”

¹¹Blëën lo xaa, aan chëpaa nii ktsiñdy xaa laañee kxiladzy xaa.

¹²Beetsy, kol kap cuent tsiin tsody cos mal leñ styoo do, parñee kchosody to lo xtiits Dios.

¹³Kol kchoobladzy styoo xcombañer do ksatyee tse, lëë ka bii xtedyo tiits, parñee kyëtidy to ni kyabty to lo tol.

¹⁴Por deelñee kchosody no lo xtiits Crist axte tse nii lëë no kety, skaa no nii jkaa Crist.

¹⁵Kol kuy gaanoo nii xñee xkitsy Dios: Deelñee jkëëtyag to xtiits Dios natse, kuuñ jkyesty to styoo do sinak beeñtsyey meñ nii pkaal Dios.

¹⁶¿Cho pkëëtyag xtiits Dios dyon aan loxsye ngo beeñ klëë Dios? ¿Pe lëdy nayak kchë meñ nii kwlii Moisés Egiptow?

¹⁷¿Ni cho lo blëë gaa Dios choow iz? ¿Pe lëdy nayak blëë xaa lo meñ nii kwloo tol? Aan kchë meñ go kuty tañ pidzy.

¹⁸¿Ni cho lo chëb Dios: “Ktsiñdy to laañee kxiladzy to”? ¿Pe lëdy nayak lo meñ nii psoobty xtiits xaaw?

¹⁹Ni nli gaa nii ptsiñdy meñ go, porñee bnilasty meñ go xtiits Dios.