HADIBAIA TAUNA 7:10-14

¹⁰Do oi hereva lasi inai bamona, “Badina dahaka nega gunadia be namo, to inai nega be ia dika noho?” Badina inai bamona henanadai be aonega lasi.

¹¹Mauri taudia ibounai ese aonega bema idia abia be namo, badina aonega be kohu momo abia hegeregerena.

¹²Aonega ese oi ia gimaia noho diba, moni ese oi ia gimaia noho diba hegeregerena. To aonega ese moni ia hereaia noho, badina aonega ese aonega tauna ia hamauria noho.

¹³Dirava ena kara do oi laloa noho. Dirava ese ia hagagevaia gauna, be daika ese do ia hamaoromaoroa diba?

¹⁴Oiemu noho be namo neganai, do oi moale. Bona oi dekenai dika ia vara neganai do oi laloa, Dirava ese moale bona hekwarahi ia siaia noho, bona taunimanima idia diba lasi dahaka bona dahaka do idia vara.