Hacutjin Casahmi Apóstol 14:6-11

⁶Peru apóstol jan ne, camachaya rë me cjua jan, hane cavanga me quiji me ngajan nandya Listra cojo nandya Derbe, ngajan distritu Licaonia, cojo ngujo sa cahndë́ tahndee jan.

⁷Hane yëjë cahndë́ hacutjin catsujyihiya me ne, cachja me cojo xuta cjuandajyihi xi chja tsëhë Jesucristu.

⁸Cavéjña ngu cha ngajan nandya Listra, ngu cha xi tsajin rë ngahñu ntsacu, tsëhë xi tsehen hisca hya xi catsin cha. Maji camahani fi cha.

⁹Tacun cha tivisiñuju cha cjua xi tichja Pablo. Ngajan xi xi cavutsejenndaja Pablo cha ne, cavacun rë me xi mangucacun cha xi hatuxa cumandaja cha,

¹⁰sehe ngajan xi cachja me cojo cha cuitjin: ―‍Tisechunquixun. ―‍Cuatjin cachja me. Hya xi camá ne, hisca cacaahnga cha xi casecun cha, sehe cavetsihin quiji ntsacu cha.

¹¹Ngajan xi xutacjín jan ne, xi cavëë me xcusun xi casahmi Pablo ne, cavetsihin cajindaya me cachja me hne rë me, xi hmí rë hne Licaonia, cuitjin cachja me: ―‍¡Me xi cuicun vi ne, nina me vi, xi canduva me tsëhë ngahnga, canduvatjengui naja me, tu xi tsejen me sacuaha xuta! ―‍Cuatjin cachja me.