Golle Nelaaɓe 14:4-11

⁴Yimɓe ngeenndi ndii ɓee peccii: yoga heedani Yahuudiyankooɓe ɓee, yoga heedani nelaaɓe ɓee.

⁵Yimɓe leɲi goɗɗi e Yahuudiyankooɓe e ardiiɓe muuɗum'en anniyii torrude ɓe e wardude ɓe kaaƴe.

⁶Nde ɓe maatunoo ɗum ndee, ɓe ndogani Listara e Derbe e geelle seraaji muuɗum'en ley leydi Likoniya,

⁷eɓe mbaajoo ton Kabaaru Lobbo oo.

⁸Gorko bonnguujo, dimdaaɗo e bonnguwaaku, mo meeɗaali daraade e koyɗe muuɗum, ana wonnoo Listara.

⁹Omo hettinoo waaju Pool. Pool ƴeewi mo, yii goonɗinal makko sellinta mo,

¹⁰haaldi semmbe, wii: —Imma, dara e koyɗe maa! Gorko oo gurbitii, darii, ana yaha.

¹¹Nde yimɓe ɓee njii ko Pool waɗi koo ndee, ngulliri gullaali likoniyankoore, mbii: —Laamɗo'en nanndinkinike e yimɓe, njippiima e meeɗen!