Godigo Nogi Ugwaba Sabo Tęąbi Po Wabo Buku Dabe 94:1-12

¹Genuai Bidi, nage da te dwai sę ebo we bidi augwaliba wei ponobo God dao. Megi nago sębę ebo augwaligo sumainogo waselao.

²Nage hogodama, nago po tųba tigidali we bidi pedelaibao. Megi nage aselama, hagoma eyu dwai sę ebo bidi augwaligo ebo kolesaga wei ponao.

³Nisu naga sogo dwai sę ebo bidi augwaligo ebo kolesagade dwagi yai homu egowe? Genuai Bidi, augwaligo bidabo sogo nisu naga elalubawe?

⁴Nisu naga sogo elaluai dwai sę ebo bidi dabe augwaligo dwai kolesaga ebo dali dwagi yai homu te dwai sę dali yaibawe?

⁵Genuai bidi, augwaligo nago we bidi aiyaba elaluama, tama genuai sęge augwalibolo mabo dao.

⁶Augwaligo te wilawe we dabe, augwali ela muyu, tama te tiana wai dabe me ela muyu, tama gasa bulu we bidi dago tǫde bidibadi, augwaligo ela muyu ebo dao.

⁷Tama augwaligo te po wabo, “Genuai Bidi agai da subo menio. Israel bidigo God, agai dago te sę ebo agai tede homu palobo menio,” augwaligo te po wabo dao.

⁸Dage eno we bidi, magi baso dagego gegeda pobawe? Dage kolesaga meni yai, nisu sogo dagego koneaibawe?

⁹Godigo dago olo nigai. Tama agai odogobewe? Tama God agai dago gedu me nigai. Tialima, aga digi tonolo bilibo meniwe?

¹⁰Agai te tigidali tǫde bidibo bidi hani tonalubo dao. Tialima, agai augwali dodolobo meniwe? Tama aga tigidali we bidigo po ola mabo bidi. Agai konebewe?

¹¹Genuai Bidi agai tigidali we bidigo homu koneai. Agai koneai, augwaligo homu kolesaga te olo magi nai me tiwai yaibao.

¹²Genuai Bidi, nago te bidi me deli dodolomainu eyu, nago bomo yai po te bidi ola mayu da, te bidi aga dwagi yai homu emainao.