Godigo Nogi Ugwaba Sabo Tęąbi Po Wabo Buku Dabe 8:3-8

³Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,

⁴eno midigi siyu, tama homu ebo da, ‘Da tǫde bidi te magi nai, tama nago dade homu kone ebo dawe? Da te olo nai tiwai da. Magi baso nago da te bugagia tonalubo dawe?’

⁵Nago da nigilama, tama nago da te nagaduba deli naga dologode bidimainu muani. Nago da ugwaba siyu, tama daba genuai nogi mabo dao.

⁶Nago da sa muyu, te nago nigali nai tigidali tonalumainu yai. Nago te tigidali nai dago dologoba munama, elalubo dao.

⁷Awe, tigidali sipsip me, bulmakau me, te buside elalubo tigidali hasa dabe me,

⁸tama te ugwadu bola bilibo tigidali ba me, tama te tamu ąįde tigidali sųgų me, tama te tamu ąįde bilibo tigidali nai me. Tigidali te da bidigo dologode bidibo dao.