Godigo Nogi Ugwaba Sabo Tęąbi Po Wabo Buku Dabe 7:13-17

¹³Agai augwali te sia dabo enego usu sali. Agai te bidi dabe augwali ela muabo ene dabe sisi yai elalubao.

¹⁴Te dwai bidi suao, agai te gasa bidi dali dwai sę yabo homu beasi elalubao. Agai te tobage dwai sę yabo sisi elama, tama te sesemane sogo tibo po wabo dao.

¹⁵Agai tǫde genuai tǫ dedage nigilama, te gasa bidi aba tulalumainu yali, tiali goli aga digi aga te nigali tǫ dedageba tulalubo dao.

¹⁶Te tiwai naga aga te yali dwai sę tiali aga pageba ma asobo dao. Tama agai te gasa bidiba te wado me hwįyu ebogo begelama, tama aga digi aga dolaibao.

¹⁷God te doloba pai mu da, tama tiyu, eno agaba usu da weyu, gedu haluasa po waibao. Tama te Ugwadu Mu Bidibo God nogi ugwaba selama, te eno balia po dabe waibao.