Godigo Nogi Ugwaba Sabo Tęąbi Po Wabo Buku Dabe 77:12-17

¹²Te eno nago yali tigidali sęba ma homu kone palaibao. Nago te bomai sę dabe yali, tama eno te me homugo koneaibao.

¹³God, nago kolesaga tigidali te tedali wiegi yai naga dao. Te tibo god me deligo nage dali usu me egobeo. Nago augwali aiyaba mu elaluai dao.

¹⁴God, nagaduba deligo naga te bidi mego isąwai bomai sę ebo dao. Polobadu nago genuai bomo te tigidali we bidi haniba ola mawai dao.

¹⁵Te naga bomogo digi nago te naga we bidi dabe ma sali, te Jekop de Josep sigo wąį nǫų hani dabe, te augwali si tudi badu nosali pedelali bage dao.

¹⁶God, te polobadu te wę dabego nage sulama, augwali wi mu yali, tama te aiyadu mu elaluali tamu ąį me te gęǫ yai dao.

¹⁷Genuai tulubage mu tuluyu, tama pǫ bomonama kulukulu weyu, tama te pǫgo be sele ula edaba asiyu, uba peyu yai.