12O madamadaua duen omui wiawia kan karos, o kilekilang duen omui dodok.
13Maing Kot, al omui me pung. Ia wasa amen Kot manaman mia dueta Kaun o?
14Komui ta Kot me kin wia manaman akan. Komui kotin kasansaledar omui manaman nan pung en wei kan.
15Komui kotin dore kila sapwilim omui kan omui manaman, iei seri en Iakop o Iosep akan. Sela.
16Pil akan ariri komui, Maing Kot, pil akan ariri komui, rap masapwekadar, o wasa lol rererdar.
17Tapok kalaimun akan kamoredier pil, tapok kan wiadar nansapwe, o liol piripir sili.
Psalm 77
Psalm 77:12-17