Godigo Nogi Ugwaba Sabo Tęąbi Po Wabo Buku Dabe 73:19-26

¹⁹Augwali te polo tama dolali. Tama augwali te isibo te dwai mu ebo dao.

²⁰Genuai Bidi, augwali te na ebo bidi tiwai elama, tama te na yali te kigamu be posobode silaibao. Bidigo te kigamu hodaluama, tama te na yali te agai homude me ma elalugobeo.

²¹Te sogo eno homu te midigi selama, tama eno haligago te dwai mu yai.

²²Tama eno homu te pania selama, tama eno nago kolesaga me konesiąwai. Eno te nago gedude kolesaga yali, te uni hasago homu kolesaga umuna pabo tiwai ilali.

²³Tiali goli, ena nage dali sesemane bidibaso, tama nago ena nogo tolalubo dao.

²⁴Nago ena bugagia bilimainu ebo po mawai, tama nosali nago ena sobaso, tama ena nage dali te dagalude bidaibao.

²⁵Te gasa de te dagalude bidiyu, tama ena tonalubo dawe? Te gasa bidi me meni, naga deli naga dao. Tialima, God, eno nage godolo mu ebao. Eno te tigidali tǫde nai wei ebo tiwai gilama me ebeo.

²⁶Te eno tigi, me homu kolesaga, te bomo me elalusiąbaso da, teda God, nago digi nago ena dąų walao. Tama nage ena dali bidiyu, tama ena sesemane bidada peyu, bidada pabo sogode te ena usu mu elaluaibao.